当前位置:主页 > U级生活 >

【轮证赢家】吼位放牛


2020-06-13


【轮证赢家】吼位放牛放大图片

噚日下昼收咗市之后就匆匆忙忙咁出咗去,事关噚日朝早前上司忽然蒲头搵我;搵我做乜?迟啲就知。

喺噚日下半场开市后,大约係1点30分同2点10分呢两个时间,都见到恒指5分钟图上SlowSTC(14,3)落到超卖水平,按照呢两个时间恒指牛(57347)高低位再拉个平均买入价一样都係$0.0535;至于另一只收回价比较远啲嘅恒指牛(57414)则分别为$0.0675同$0.0685。跟手喺2点半时见到SlowSTC(14,3)由超卖位上到去中轴嘅时候就已经无力再上,跟手仲调头向下,人都开始变得有啲心急,事关只(57347)槓桿太高,所以只适宜做day trade,等到3点25分时,再次见到恒指5分钟图SlowSTC(14,3)上到中轴位,其实都已经準备开定个a/c,点都要将只(57347)掉走。结果喺3点35分之后条SlowSTC(14,3)果然无力再上,按3点25分至3点35分(57347)高低位做过$0.054/$0.051计,平均卖出价就係$0.0525,对比平均买入价,好彩都係输一格。

至于只(57414)唔係话唔理,只不过係呢只牛证嘅收回价远少少,过夜都无咁惊。今朝起身睇电视时,右下角日经升逾200点;但新闻就讲噚晚美股跌廿几点,心谂:呢个係咩玩法呢?不过,个市有咩玩法都好,都唔係我一个人可以控制架啦。喺巴士见到恒指做完U盘,开市报26609点,升88点,同步见恒指5分钟图SlowSTC(14,3)喺2X至3X呢个位,同时%K线升穿%D线,好一个低位回升嘅姿态,于是就索性喺开市之后再比多少少时间个市,睇吓有无办法上高啲。

结果,正式开市之后,恒指随即低走,到依家9点53分,恒指倒跌40点,做紧26481点,至于5分钟图条SlowSTC(14,3)现水平处于严重超卖位置,(57414)係硬食架啦,但现价做紧$0.066,对比噚日嘅平均买入价只係暂蚀两格,希望条SlowSTC(14,3)喺稍后时间可以见低位反弹,带动埋只(57414)上行啦。

开埋恒指牛熊证街货图睇,上方熊证最贴价嘅系26600至26699点,呢度有相当于186张期指街货;至于下方牛证有两层係新增嘅,而最贴价嘅就係26100至26199点,但只有97张期指嘅街货咁大把;第二层26000至26099点呢度有相当于300张期指嘅街货,多少少就梗架啦,好歹佢都係一个齐点数大关口位嘛。不过,就真係呢几百张期指嘅街货,个市就满足?望望电视见到恒指粒数由红变绿啦,不如专心处理埋只(57414)好过啦。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家



上一篇:
下一篇: