当前位置:主页 > L泰生活 >

【轮证赢家】即市高槓桿追牛


2020-06-13


【轮证赢家】即市高槓桿追牛放大图片

依家9点41分,啱啱返到公司坐底斟好杯茶,成条team暂时就得我一个,除咗电视机得嗰2度嘅声同打字声之外,真係静过太空。

睇返恒指,今朝似乎想承接上个星期嘅升势,恒指今早弹升212点,开市报26520点,市都未正式开市啪死咗上方熊证最贴价嘅26400至26499点,呢度有相当于1125张期指,贴价之余仲係最重货嘅部分,变相依家可以直接用26500至26599点呢度作为最贴价熊证,而呢层有相当于530张期指。

日线图上见恒指已重返保历加上升通道裏面,而上个星期五(10月11日)三条平均线都收复咗都的确为闷咁好耐嘅大市带嚟少少刺激,再睇返下方嘅技术指标都係发出向好讯号;只係依家9点58分呈「T星」啫。

Well,反正都开咗恒指牛熊证街货图,就睇埋落去先。下方牛证头四层今日见嘅全数都係新增,最贴价就係25900至25999点,有相当于212张期指,同现价(10点10分mark底嘅26590点)相差690点先可以食得晒;再者,唔mark个现价都唔惊觉恒指高位已经做过26602点,换言之头先睇嘅26500至26599点嗰530张期指都死埋,依家要用26600至26699点作为最贴价牛证区啦,而呢度有相当于424张期指。

就咁睇呢424张期指确实係无乜睇头,但承如上个星期都有投资者讲「趁个市向上打上去嘅时候,吼位入熊博掉头回落」,呢个谂法同策略无问题,但就要视乎上方熊证嘅街货有几多同有几近,如果多又近嘅话,咁其实都无诱因令到个市会无啦啦向下走一条又远又无肉食嘅路;换言之,似乎短线嚟讲用牛证博大市继续向上杀近熊似乎比较着数。

开牛熊证search engine时见到今日最贴价牛证嘅收回价上到26110点,呢度同现价(10点18分mark底嘅26562点)计,两者相差逾450点,day trad嚟讲呢个range嘅牛证都真係不二之选,可惜嘅係依家见到恒指5分钟图SlowSTC(14,3)上咗去严重超买水平,依家先啱啱见佢回落,呢个位入只咁贴价嘅牛证确实係唔OK,等返条SlowSTC(14,3)落返去超卖水平,再睇返到时只恒指牛(57347)同恒指现价实际点数差几多,(57347)收回价26110点,全场最贴价兼最高槓桿,真係day trade好啦,同埋如果到恒指5分图条SlowSTC(14,3)回返落去嘅时候,(57347)有面临被收回嘅危险嘅话,咁就要考虑远少少收回价,例如恒指牛(57414),收回价25938点,同现价有近600点差距,槓桿比率约39倍都唔输蚀架。

今日10月14日,每年呢个日子都要同一位喺大学时代至今、每逢有难求救都会第一时间伸出缓手、我唔讲都知我想做乜嘅同学+老友阿Milk讲声生日快乐!今年我应该係第18次同你讲呢句说话啦,点呀,由体育转嚟做财经,习惯未呀?。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家



上一篇:
下一篇: