当前位置:主页 > X普生活 >

【轮证赢家】千张期指街货重现


2020-06-13


【轮证赢家】千张期指街货重现放大图片

噚日下昼个市都无乜好玩,见大家都咁高兴围住啲油股,我又唔执输去八卦一番,结果见到只中石油(00857)一个Put样出晒嚟,于是就拣定一Put一熊,打算吼佢5分钟图SlowSTC(14,3)见超买时小注落场。结果喺下昼3点20分至25分见到5分钟图SlowSTC(14,3)最叻见上到60至80呢个水平,跟手就回返落去,莫讲话呢个位入唔入得过,单计呢五分钟入唔入得切都成问题。不过呢单嘢冷到连战友Jack都whatsapp我「好勇敢呀你...」

依家9点54分,返到公司坐定定打紧稿,伸个头望吓news同事嗰边部电视播紧乜,见到林郑又出嚟,仲饮紧啖水,都係恒指好睇啲。今朝早恒指开市报26942点,跌182点;喺9点56分时恒指做紧26855点,跌269点;同一时间隔离team+饭脚斌少send咗几张相嚟话我哋公司后面(都隔两三条街嘅)幢大厦火烛喺嗰边返工嘅同事为安全起见就全部疏,就连我哋望过去嗰幢嘢都见到劲多黑烟。

扰攘完一轮之后,依家都係10点正,恒指继续下行,开5分钟图见到仲係咁day low未停咁嘅款,而SlowSTC(14,3)就落到严重超卖水平,day trade嚟讲呢个时候开只贴价牛,以高槓桿博反弹然后收工,咁就真係爽啦;不过都係望一望恒指牛熊证街货图见,睇吓条SlowSTC(14,3)落到超卖位係真係会触底反弹,定係底处未算底。

喺恒指牛熊证街货图上,下方牛证最贴价就係26600至26699点,呢度有相当于1257张期指,好耐都未见过过千张期指街货层啦,而按依家10点8分止,恒指最低做过26822点,距离下方最贴价牛证嘅门口有123点距离。如果再落多一层嘅话,即27300至27399点呢度,都有相当于273张期指喺度,呢堆肥牛一啲都唔弱。

至于上方熊证最贴价就係27200至27299点,呢度就只有22张期指街货喺度,用返恒指现价26890点(10点11分mark)计,要个市上返门口都要拗腰310点先得,仲要得嗰少少街货,够边个食?

依家10点12分,头先见恒指落到超卖位话博只贴价牛以高槓桿博5分钟图上嘅SlowSTC(14,3)反弹,然后再即食;依家见SlowSTC(14,3)真係反弹咗。不过睇埋恒指牛熊证街货图,一秤之下,似乎下行嘅吸引力都大过上行,咁不如索性依家开始等返佢5分钟图SlowSTC(14,3)上到超买,然后放只恒指熊(55636),收回价27268点,同现价有逾400点差距,槓桿比率约46.29倍,街货少成交又活跃,唔杀重牛街货,Day trade都不错。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家



上一篇:
下一篇: